愛給"驚"喜的媽媽......  10/11/2009

每晚阿媽未返到家時都總會致電給她!
有幾次打比佢, 比左一個好"驚"喜既回覆我...

Gin：「阿媽，你係邊呀？」
Gin媽：「我係機場，準備去泰國～」
Gin：「下．．．」

Gin：「阿媽，你係邊呀？」
Gin媽：「我去左迪迪尼玩～」
Gin：「下．．．」

Gin's Auntie：「喂，你知唔知你阿媽去左廣州」
Gin：「下．．（心諗：又黎．．）唔知wor」
Gin's Auntie：「係wor! 我都係岩岩先知wor, 好似話同埋你阿婆呀~邊個邊個一齊去wor!~」
Gin：「咁型.......」
夜晚阿媽打黎
Gin媽:「喂！早Ｄ訓呀」
Gin：「做咩無啦啦上左廣州既」
Gin媽:「未去過ma! 咪去下law! 原來去廣州都好快ja wor!XXXXXXXXX(下刪一百字)」
Gin: 「你有咁多假咩」
Gin媽:「放大假ma!」
Gin:「車.....」
就係咁~我就home alone左兩日~HOHO~

真係想同佢講聲........「唔該曬!...」~

詩歌分享: 再一次                  24-08-2009

再一次，點燃我的心，不讓冷漠來佔據；
我的愛不再漠不關心，我的敬拜充滿熱情。
再一次，賜給我信心，我要看見你神績，
病得醫治，瞎眼得看見，我渴慕更多見到你。

我們要，我們要，我們要主你的恩膏；
看神蹟，看奇妙作為，我們要見你的榮耀。
我們要，我們要，我們要主你的恩膏,
用信心，看神績奇事，全地要見你的榮耀。

再一次，再一次，再一次觸摸我的靈；
讓敬拜，衝破雲霄，如你信實上達穹蒼。
再一次，再一次，再一次獻上我生命，
我的心，不停為你燃燒，我一生單為你而活。

合而為一(Featuring The CROSS) (DEMO 版)                        19-07-2009

救主耶穌，謙卑降世，用血洗淨我地嘅污穢

得救嘅福音係神嘅救恩，天父愛我哋係有憐憫

罪裡重生要去見證父神，傳揚福音比　所有人
基督嘅愛係長闊高深，每日都不離不棄同我一齊行

基督徒標記應該彼此相愛，千祈唔好留咗　温柔同忍耐

愛心彼此寛容更加唔少得，凡事謙虛　靠神　一定得

和平彼此聯繫係神嘅設計，弟兄姊妹做事　要合一

教會合一，目標要合一

「合一！合一！合一！一定得！」

唱︰凡事（凡事）謙虛（謙虛）温柔（温柔）忍耐（忍耐） 用愛心相寛容

       凡事（凡事）謙虛（謙虛）温柔（温柔）忍耐（忍耐） 用和平彼此聯絡

上帝賜比每個人，都有唔同嘅本能

無論你係老師、積師、一話係牧師

有乜恩賜請你唔該一齊埋位

你周圍走周圍滕冇晒計

一個身體有好多個肢體

冇咗手冇咗腳就唔多大體

我哋人多勢眾，魔鬼冇晒地步

總之好好記住天父爸爸嘅教導

讓我哋一齊嚟，一齊嚟，一齊嚟去唱，一齊，一齊、一齊嚟去唱！

唱︰凡事（凡事）謙虛（謙虛）温柔（温柔）忍耐（忍耐） 用愛心相寛容

    凡事（凡事）謙虛（謙虛）温柔（温柔）忍耐（忍耐） 用和平彼此聯絡

再黎凡事謙虛

唱︰凡事（凡事）謙虛（謙虛）温柔（温柔）忍耐（忍耐） 用愛心相寛容

        凡事（凡事）謙虛（謙虛）温柔（温柔）忍耐（忍耐） 用和平彼此聯絡

(立曷)力　保守　聖靈　所賜

唱　：合而為一的心

保守　聖靈　所賜

唱　：合而為一的心

每次聽完都好想笑...~但總算完成!
Background music邊到搵？呢樣野真係要多謝阿仔!~hahaha!~
並都要謝謝幫忙抬佢返黎既弟兄!
仲有, 多謝The Cross!!

Recently...        16-07-2009

很久沒Login 了..不知那裡講起好...就post相吧~

 
七一單車, 因失平衡攪到抄車, 結果就打了人生第一次石膏!........
等拎藥個陣, 無聊得仔叫個姐姐幫我影左張相....ha~

沖涼點算？係呢個時候，阿媽總會諗出一ｄ你估佢唔到既發明！
於是佢將一條繩綁係掛毛巾既棍到，當沖涼個陣，先用垃圾袋包住隻手，
然後將隻手放係圈圈到，咁沖涼個陣就唔使整濕舊石膏～
（有時真係虧阿媽諗得出....haha!~）

訓又點算？
平時我要爬上上格床訓，由於左手傷了，於是就索性成張床搬落黎訓～
（訓個陣，有火柴人陪住是多麼的幸福哦～～～～）

講完自己野，講下屋企人趣事。

(註: 相中人已大了很多!!)
話說表弟當聽到話帶佢家姐出街時唔帶佢去就會喊到飛起
有晚表弟已上床「準備」訓覺, 而阿媽又講開帶我表妹出街，點知講講下，
舅父就問「做咩唔帶埋我個仔去」，阿媽說笑「我係唔鍾意帶佢去，吹咩？」
係另一邊「準備」訓既表弟喊住咁走過黎話「你咁大聲估我聽唔到咩.......嗚嗚嗚嗚!~」
於是又喊住咁行返去訓, 於是成家人狂笑, 因為個感覺真係好似人地拍戲咁~hahaha!
不過, 呢兩姊弟的確為我地帶黎唔少歡笑^^

11-12/7 分別同教會弟兄姊妹同好姊妹楚蓓參加了讚美之泉聚會!
聚會中, 很多地方很感恩...
1. MayMay弟弟決志信主!感謝主!
2. 可以見返很多唱SOP Choir認識的好姊妹!感謝主!
3. 可以同教會弟兄姊妹一齊好興奮地敬拜主, 感謝主!
4. 可以同好姊妹楚蓓一齊更興奮地去跳舞敬拜主, 感謝主!

而這年對我來說有個新體驗, 事前因踩單車失平衡令左手受傷而要打石膏，
這是第一次嘗試到只得單手去敬拜。
雖然左手傷了，但感恩的是我仍可用右手和心靈去敬拜！
當唱到好幾首快歌時，投入到連左手的那個”CASE”好像輕了，
連帶連頸上的酸痛也消失了，HAHA!感謝主！

每年在聚會中，都會被某幾首詩歌觸動到以淚洗面，但今年的感覺很不同，
今年既主題是「不要放棄, 滿有能力」
每唱一首歌，就好像打了一支強心針。這次亦提醒自己，有時越到困難，
我們不是要去逃避，而要「不要放棄」，因為神「滿有能力」。
當我們祈禱時，不是只是單單求主挪去，而是靠著神的恩典去度過。
再越到困難時，要放下埋怨既聲音，而要說聲「哈利路亞」，因為神要開道路！

願主繼續帶領我們每一個, 任何事情發生都好, 都「不要放棄」,
因為我們有全能既神拖住我地!

放埋呢幾日假, 應該要上班了.
要好好珍惜!

不錯的一天       14-06-2009

今日既行程:
利東->華富->香港仔->華富--香港仔-->利東.. 

早上: 總算順行...!!志江的信息好像在回應我的代禱事項~haha

下午: 「o」左咀既「光輝歲月」...正經地唱吧!!!
           「世界之光」-> 總算看到點點柱光
           「仰望耶和華」-->尋索"唔娘"既解決方法之際, 變相來了一個pop爆版....o no~ 
            事後討論, 反而最享受!
            雖然唔知呢個方法岩唔岩, 但處於尋索+學習中的我們, 就當中儲經驗和技巧呢..!ha~

晚上: 與良人和醫生病人大戰國家版大富翁!
          結果--> 俗話說:「嬴就嬴粒糖, 輸就輸間廠」...
          愛琴海、日本--> 我恨你;  醫生病人-->我恨你!
          再戰久違了的阿牛, 開心的一晚, 很飽很滿足!haha

感謝主!